الرئيسية
احبك كثر نجم عاش سحر الليــــل
واحـــبك حب يا عمري ماهو عــــادي
كثر شوق المراكب لو تزور النيـــــل
كــــثـر لـيـل سـهــرتـه وأنت به زا دي
كثر شوق الصحاري لانتظارالسيــل
كــــثـر غـيـث بـخـيـره للـبـشـر فـادي
كثر شوق البدو لطلوع نجم سهيـل
كـــثــر صــوت يــردد نـغـمتـه حــــادي
كثر شوق الفوارس لاعتلآ الخيــــل
كـــثــر ورد تـفـتـح فــــي بـطــن وادي
كثر وش تطلبي ؟أكثر احبك حيـــل
كـــثــر طيف يجي في وحدتي هـادي
ياأول حب في قلب ملاه الويــــــــل
يا أول حــــب وده يـطـلـب اسـعـــادي
ترى مـــابه شـبيه لك ولاتـمـثـيـــل
ورضــاك انـتـي تـرى هو غـاية مــرادي
هــلا بطــلة أصيــل مـا لــها تبديــل
هـــلا بـوجـه صـبـاحه يهدي الغــــادي
هــلا بريح الخزامى والنفل والهيــل
هـــلا بـطـيـب شـذاها عنـبـر وكـــادي
هــلا بعمرسعـيـــد مايبـي تحـليــل
وهــلا بصـدق يعيـد النبـض لـفـــــوادي
جـمـالك من يشوفـه يكثر التهليـــل
وحــلاك اصـبـح حكاية تروي أمـجــادي
عـــذوبه مـع غصــون تنثنى وتميــل
مـــــــع النسمة تبين وتكـثر أعيــــادي
أحــبك والغــلا مـا يلـزمـه تعــلـيـــل
وأحــبك حــب يا عـمـري ما هـو عادي
