منتدى دنيا العشاق




عزيزي الزائر / عزيزتي الزائرهـ : يرجى التكرم بتسجيل الدخول اذا كنت عضو معنا
او التسجيل ان لم تكن عضو ، وترغب في الانضمام (( لـدنيا العشاق ))
سنتشرف بتسجيلك.... وشكرا

.. ادارة المنتدى ..

    العقد النفسيه لبزران السعوديه

    شاطر

    كبرياء انثىfm
    مشرفهـ قسم قصص الانبياء
    مشرفهـ قسم قصص الانبياء

    تاريخ التسجيل : 28/07/2009
    عدد المساهمات : 2677
    الجنس : انثى

    العقد النفسيه لبزران السعوديه

    مُساهمة من طرف كبرياء انثىfm في السبت 17 أكتوبر 2009, 7:01 pm

    العقــدالنفسـيه .. في " بزران " السعوديــه @@


    منذ طفولة الطفل السعودي .. وهو يتعرض للإضطهادات .. والترجيموالتقبيص .. وحتى لو كان الطفل جميلاً ... فلابد أن يأخذ نصيبه من تقبيص الخدود ... وطبعات أرواج الحريم على الخد من أسوء ما يتعرض له البزر السعودي ... خاصه أن كانهذا الروج من أسواق السويلم أو أي محل من محلات أبو يمن طاح بالمرق قعد له ساعهواحترق





    عقدة الأسم

    في بداية الولاده ... أول مايتعرض لهالبزر السعنون .. هو الاضطهاد باختيار الاسم ..
    عزيزي المواطن ... إذا كان اسم أبوك أو جدك خليّوي وإلا نبهان .. وش ذنب طفل توه طالع على الحياة يتسمى هالاسم ؟.
    قمة الاضطهاد وضيقة الصدر لما الواحد صغير واسمه أسم شايب .. وش هالعيشه ياعالم ؟

    أو مثلا يطلع علىالدنيا وتسميه باسم حزين اومؤلم .. سلامات ؟
    لو يجيه ضيقه والا شي قال بس هذا من اسمي ...

    أصلاً من السنه أنه الواحد يختار الأسمالمناسب والي له معنى حلو لولده ..


    وبالمناسبه بقولكم سالفه ..

    مره وحده في البنك أسمها وفقه المهم إنها غيرت أسمها .. وتسولف مع خالتي .. قالت لها خالتي تحبين نناديك بأسمك الجديد والا وفقه ؟
    قالت لاااااااااااااا تكفين لاتذكريني
    هذا أمي وأبوي تهاوشو مره .. وامي حامل ... قام قالها تروح لبيت أهلها
    راحت لبيت أهلهاوولدت .. وسمت بنتها زعله المهم أنه رجعها .. يوم رجعها حملت بعد .. احتفال وجابتنيوسمتني وفقه .. يعني انهم رجعو يتوافقون وكذا ..

    المهم ان ذي وفقه غيرت أسمها بس للحين زعله ذي ماغيرته عاديمخليته على ماهو ..

    الحين ... وش ذنبالطفل تسميه بالظروف الي تمر عليك ..
    انولدبالعيد سمّوه عيد .. انولد وشكله مقبول ووش ملحه .. سموه مقبول أنولد بالشرقيه سموهبحر


    سلامات يآعالم .. خلاص فكوبزارينكم من ذا الاسماء ..

    عاد فيه ناسع بالهم راقين ويختارون أسماء جديده .. والاسماء نكته ..

    أو معناها بايخ .. مثلا مي .. تدرون أن مي قرد ؟ ..

    أنا أمي الله يطول بعمرها كانت مسميتنيلامه

    تقول وطولتي وأسمك لامه لامه .. لين جاء خالي وقال حرام عليك أسم البنت شين معناه .. بكرا تروح لحديقة الحيوان معأخوانها ويعايرونها





    هذا حيوان اللامه طالت اعماركم

    رحمتنييييييييييي


    بعدها تقول اميمتي غيرنا أسمك ..






    عقدة منت ولدنا




    اللهم آجرني يارب.. ياخواني سووو فيني سواة .. قسم بالله انه حتني وسوسه صدق
    عاد نعرف وحده من أقاربنا جايبه ولدين من البوسنه والهرسك ..
    قلت صدق لو اني مثلهم أهلي جايبيني مناك وشدراني .. ماقالوه اخواني عبث
    بالاخير يومأني كبرت شوي عرفت أنهم مجرمين ..
    وصرت أناأسويها في اخوي الصغير بس على أنجس
    كنت آخذبالحديقه الخلفيه ظلاااام .. واقول محمد أنا جنيه ماني أختك بس متلبسه .. واختكعندنا هناك ذبحناها بس ياقي نذبحك انت
    بسوالله ياجاني ضررررررب من أمي بعدها .. لان الولد فعلا خاف
    لا تلوموني الي اسويه هذا كله من اخواني الي اكبر مني ..
    مدري ليه كنا دايم نخوف بعض .. والله إنياذكر وجه أختي في الظلام يوم توخر البطانيه وتطل بوجهي تروعني ينعن صدق

    طبعا أتوقع مافيه أحد ما أنقال له منتولدنا ..

    عاد أنا على بالي حساسه .. أخذملابسي وأطلع للحوش .. يعني أني بطلع من البيت كني مطلقه ياربي لك الحمد بس عاههمنذ الصغر







    عقدة أخوك الصغير



    سبحان الله الأهل السعوديينماعندهم روح الحريه والاشياء ذي .. وان كل واحد حر بأشيائه

    يعني دايم الكبير يضطهدونه عشان الصغير وإذا قال شي
    قالو له انت الكبير وهذا الصغير
    ماينلامون اذا قامو يفغصون أخوانهم الصغار ..
    أبو الحاله الي كذا ...
    تخيل أنت مدلع وتنام بين أمك وابوك ..
    وتستلعن أحيان .. وتقول ماما بوسي بابا حرام نايم وتصورهمبلوتوث<< ماصار بزر ذا شيطان صغير

    المهم وتمر عليك الايام وتتشوت من الغرفه وتنام في الظلامالحالك لحالك
    ليه ؟
    عشان اخوك الصغير وانت كبرت خلاص .. أبو القهر الي كذا

    عشان كذا أنا أقترح الاب والام لمايجيبون طفل ثاني يذبحون الاول
    الجد عاد لمايجيبون طفل ثاني يساوونهم بالمعامله ... ولا يحسسون الاول انه ذا الصغير الفطفوطجاء مكانه وأخذ الدلع كله ...





    عقدة أخوك الكبير



    ياشين الاهل الي يحسسون الاخ الكبير أنه أبو سري ( على وزن عريف سري )
    مثلا أبغ اطلع للبقاله ...
    لا ماتطلع لازم معاك أخوك الكبير ..
    لو استبدلوها مثلا لا تطلع لحالك نخاف عليك أحسن
    أو مثلا أخوك الكبير لا تتكلم عليه ... لا تقول له شي خله يمسح فيك البلاط .. كبير هو ..
    وجع


    أجل ياعالم والله اني ما انساها
    مره وانا صغيرهواحد من إخواني .. يقول يالله خل نتسابق من ياكل مناديل أكثر
    والله اني كليت مناديل كثييير مره واتغصب عليها عشان أفوز ..
    وبالاخير صار هو يرميها وانا أبلعها صدق ..
    ولا انقاله شي





    عقدة المدرسه

    آآآآآه

    أكره ياعالم أساتذتنا .. والله أكرهم .. جواهر وساره اكرهمكره ماهو طبيعي ...
    كوابيس ماهم أساتذه ..


    أول مادخلت أولى كانت أستاذتنا جواهر تدرسنا كل شي بالحياة طبعا .. بتاع كلو
    المهم أننا وقتها نخاف مره ... وكنا نحسب للمدرسه حساااب . نحس انها مب انسان .. نحس أنها ملاك شي مو طبيعي ..
    نقدرها مررررررره ..
    المهم ان جواهر ذي من زود الفسقه مدخله بروسنا انها تشوفنا بكل وقت ..

    والله ياني تعقدت .. معادأبي ادخل الحمام أخاف تشوفني بعد
    ولا عادابي امي تروشني أستحي اخاف تشوفني وامي تروشني..
    يعني مره صارت حالتي صعبه
    مادريت أن جواهر مثلها مثل اي انسانه ..
    تقوم من النوم بعينها الي مليانه غمص .. وتجينا وتحط كعكع وكحل سايل
    وترجع تطبخ دجاج ورز وتاكل هي وزوجها وعيالها ..
    ولاجابت خبرنا
    أجل فاضيه هي تراقبني وانا أتروش الله منزين الشكل .. ليتني كبيره بعد لا بزر تتروش مسح كل شي وش تشوف صدق .

    بس أكتشفت أنها نصابه ماتراقبنا يوم وصلت ثاني ابتدائي ..


    أما الثانيه ساره ..

    آآه ياقلبي للحين أتذكرها هي وعلكها ..
    والله ياني أنضرب ضرب منها ..
    واذا جيت البيت لين اخوي بعد مضروب يديناحمررر .. الله يعظم أجر اميمتي

    المهم ان ساره ذي كانت تضربني عشان جدول الضرب ..

    والله ياعالم للحين .. ماحفظت جدول الضرب .. ودخلت أدبي لاني كرهت شي اسمه رياضيات ..

    الدراسه في السعوديه مب تعليم الا تعقيد خصوصا ع ايامنا





    عقدة شوفي فلانه

    أشين شي بالحياة أنك تقارن شخص بشخص ... وخصوصا الصغار
    حنا نبيهم يغارون ويتعدلون ..
    لكن والله غلط هالحركه مايجي منها الا الحقدترى

    أعرف وحده الله يهديها .. كل ماسوتبنتها شي قالت شوفي هدوء ..
    لين حسيت البنتكرهتني جد والله احسها مو علاقتنا عاديه أحس فيها شي
    ومتأكده أنه رد فعل من كلام امها الله يهديها بس

    عاد البنت عشان تقنع أمها إنها احسن منيبأمور تقوم تقول الاشياء الشينه فيني

    يعلين صرت بذا الموقف أحس اني أصغر لين أصير بزر لأني انا بالجامعه والبنت توهابالمتوسط .. مافيه مقارنه أصلا بس بثاره



    أنا كنت أقول لاخوي شف فلان ووو بس الحين تأدبت لكل واحدمساوئه ومحاسنه ماله داعي المقارنات ..

    المشكله ..في آباء يسوون ذا الحركه .. بس لما ينجح ولدهمويتفوق على فلان الي يقارنونه فيه ما يكافؤنه ولا شي ولا يحسسونه انه فعلا أفضل دامالدعوه جدول مقارنه ...








    عقدة الرجل


    يوم كنا صغار ... كانو اهلنا يحسسونا أن الرجال كائن حي ممنوع الاقتراب
    صرنا نستاحش مره نحس انهم شي غريب عننا ..
    والحين لما كبرنا ... لو ينفخ علي رجال مقدراقول له شي
    لو يتحرش مقدر اقول شي اخاف
    والله إن هالتربيه غلط ... رجال وش صارحضرته ما آخذ حقي منه ..

    دايم اذا غلط الرجال خلاص نسكت احنا حقك يضيع لا اسكتي عيب تتكلمين

    ما انكر ان بعض البنات لا ابد ولا يهمهم ... تمسح بالرجا ل الارض

    طبعا الوسط زين .. مو حلو الخوف الزايد لدرجة انك ما تاخذين حقك
    ومو حلوهطولة اللسان ونقص الانوثه
    عقدة عيب


    أما عيب هذي الكلمه أستغفر الله بس .. ياكثر ماسمعتها .. ويقولونها بدف يعني

    أحيان نفز واحنا صغار .. بزر طلع اندرويرها وش المشكله طيب؟

    ماتدري الا امك والا جدتك تجرك عيب غطي ..

    عيب لاتجلسين كذا عيب لاتقولين كذاكل شي عيب عيب عيب ..
    لين تجيك ردة فعل وكلشي عيب تسوينه

    يعني وش فيها لو مثلاشفتي بنتك الصغيره جالسه جلسه ماهي زينه وطالعه البلاوي المتلتله
    قولي لها اجلسي كذا حبيبتي هذي الجلسه مو حلوه

    مو لازم تروعينها وعيب وتمسكينها وتغطينها شوي وتجرحينها من الحماس




    الكراتين الحزينه


    صراحه ماقول الا حسبي الله عليهم
    أجل سالي وهايدي .. كيف كنا نطالعها .. وربي اني ابكي عليهم ..
    أبو النفسيه الي كذا ياعالم .. اللي يفرجونا على كراتين تحزن ؟

    واتذكر بعدذيك الانشوده
    (( وصلو علي صلاة لا ركوع لهاولا سجود لها لعل الله يرحمني ))


    والله ذا الانشوده ما انساها مستحيل لاني جلست سنتين يمكنوأنا اصحى الليل أبكي
    أهلي تعبو معاي مره .. الي يقول جتها عين .. كل شوي موديني لشيخ يقرا علي
    ومن ذا تفله ومن ذا مويه ومن ذا حبة سوداء
    ومادرو ان علتي من هالانشوده .. كنت أسمعها ...
    وتخيلو أني ابكي اقول لاعاد تشغلونها .. ومن البثاره اخواني يشغلونها و يضحكون على ان بكيت

    واجلس ابلع عبرتي ... لين تجيني تكه ولا انام اليل
    وربي ايام مستحيل أنساها .. احس انها يامخنقه




    الحروب

    أتذكر مره شريت أفلام كرتون بالفديوالصغير وكانت حرب وماتو اهل البنت
    بصراحه استغرب ليه للحين دموعي ماخلصت ؟
    وجد كان شيكأنه حقيقه تروح تتذكر اهلها .. وموسيقى تجيب الهم

    ماكأنه لاطفال أبد ... أتوقع لو أشوفها الحين أكيد ببكي .. كيف لمن كنت صغيره
    لا واتذكر اني كنت أتحمس مرررررررره ..

    غير الحرب والدم أفلام الرعب ...
    مره تخرب نفسية الطفل ... تخيلتوها ..

    أعرف وحده .. صغيره هي .. وكلماجلست معها تقول لي قصة فلم رعب .. طبعا تقولها لي وهي منبهره وجهها كذا

    واحس قلبها يرقع ..





    عناد




    عناد الاطفال يونس .. لكن داخله يولد شي يشبه النذاله كذا
    يعنيأتذكر دايم أخواني يعاندوني وانا صغيره ... تحترق اعصاابي .. وحده من خواتي تسويحركات بوجهها .. وكنت أطالعها وانقهررررررررر

    لين صرت مثلها أطلع العقد الي تسويها فيني بغيري

    أحلى حل ..




    إذا كبرتو


    من كثر ماكانت تنقال لنا صرنا نتمنى اننا نكبر بسرعه ..
    والحين يوم كبرنا ... كل العالم أشوفهمرازين بتواقيعهم وعناوين الموضوعات ( كبرنا وليتنا ماكبرنا )
    والي جالس يشعر ... ويقول ( ياليت ان الزمن يرجع ورى واللياليتدور )
    والي تقول ( ليتني طفله كبر هموميلعبتي )

    جتنا صدمه .. توقعنا ااننا اذاكبرنا بنصير وناسه ... وتتحقق كل احلامنا
    منكثر مايقولون اذا كبرتو ..

    المشكله أننانشوف وجيه الكبار دايم معبسه ونفسيتهم خايسه .. بس مافكرنا زين



    الحمد لله كبرنا وانفكت هالعقد .. بس الله يستر لا نعقدها بعيالنا













    من ايميلي ملطوش لخاطركم










    ركام الأمنيات
    مشرفه عامه
    مشرفه عامه

    تاريخ التسجيل : 28/08/2009
    عدد المساهمات : 6220
    الجنس : انثى

    رد: العقد النفسيه لبزران السعوديه

    مُساهمة من طرف ركام الأمنيات في السبت 17 أكتوبر 2009, 7:29 pm

    بقمه الروعه والذوق
    تسلم هالايادي على روعة ماطرحتى

    لاحرمنا تواجدك
    أنتظر جديدك بشووق يـــــــالغلا

    دمتي بوووود

















    انت وينك
    ؏ُــضـو ذهـبـي
    ؏ُــضـو ذهـبـي

    تاريخ التسجيل : 09/08/2009
    عدد المساهمات : 2261
    الجنس : انثى

    رد: العقد النفسيه لبزران السعوديه

    مُساهمة من طرف انت وينك في السبت 17 أكتوبر 2009, 7:53 pm

    تسلمين على الابداع
    الله يخليك لنا
    سلمت يمناك

    ســحـS7abــاب
    مشرف عامـ
    مشرف عامـ

    تاريخ التسجيل : 05/07/2009
    عدد المساهمات : 3769
    الجنس : ذكر

    رد: العقد النفسيه لبزران السعوديه

    مُساهمة من طرف ســحـS7abــاب في الأحد 18 أكتوبر 2009, 1:25 am

    كبرياء انثي
    شكرآ على الموضوع المهم وشكرا لطرح والنقل الجميل وفعلا هذي مشكلتنا ومشكله حساسه خاصه لشيبان عندما لايسمى به تقوم الدنيا وتقعد ..
    بس المهم والاهم نختار الاسم الجميل ومعناااه اجمل ..وهكذا وصى به الرسول صلى الله عليه وسلم في معنى الحديث.. عندما اتاه والد يشتكى من ولده فسأله عن اسمه " فالحديث لا يحضرني الآن . شكرا لك .










    ليه من دون البشر حبيتك
    مشرفهـ المنتديات التعليميهـ
    مشرفهـ المنتديات التعليميهـ

    تاريخ التسجيل : 04/08/2009
    عدد المساهمات : 6761
    الجنس : انثى

    رد: العقد النفسيه لبزران السعوديه

    مُساهمة من طرف ليه من دون البشر حبيتك في الأحد 18 أكتوبر 2009, 1:26 am











    كبرياء انثىfm
    مشرفهـ قسم قصص الانبياء
    مشرفهـ قسم قصص الانبياء

    تاريخ التسجيل : 28/07/2009
    عدد المساهمات : 2677
    الجنس : انثى

    رد: العقد النفسيه لبزران السعوديه

    مُساهمة من طرف كبرياء انثىfm في الأحد 18 أكتوبر 2009, 11:40 pm

    يسلمو عالمروور










      الوقت/التاريخ الآن هو الإثنين 20 فبراير 2017, 3:09 am