البارحه مرت وانا ماني بخير
نامن على صدري هموم ٍ كبيره
كانت حياتي غير .. والحين هي غير
تبدلت .. والحب .. ميــّت ضميره
عجزت لاالقى وين دربي وانا اسير
وسجنت نفسي بين حيره وحيره
أشوف انا قدامي آمالي ..تطير
وأغمّض عيوني قهر.. ياأميره
أخاف عيني تالف الدمع .. وتصير
روحي على نزف الأماني .. هديره
وانتي حكاايه مااكتمل فصلها .. مير
كنتي لي بقلبي قصيده أخيره
هاك أكبر أحلامي وانا توي صغير
بس اتركي لي منك حاجه صغيره
ذكرى وينبت في طرفها نواوير
واسافر ابها فيك ديره وديره
تجين لي في كل لحظه وتفكير
ومع كل طرفة عين تبدين غيره
أوله عليك ..أشتاق واحب واغير
واحضنك لاجا للمشاوير سيره
أعلل لنفسي الجريحه وانا ادير
ظهري على ذيك الجروح الكثيره
خلاص روحي دامني ماني بخير
وان مت .. قولي ماتمنيت غيره
.
.
.
.
.
ودمتـــــــم ..