ياللي نويت السفـر وفـراق خلانـك ,,,, درب السلامه طريقـك يـا معنينـي
مدام ماصنت قلـبٍ بالغـلا صانـك ،،،، واخلفت وعد ٍقطعتـه بينـك وبينـي
بعت المـودة وزاد اليـوم نكرانـك ،،،، وانا احسب انك مثل ما اغليك تغليني
لاصار فيني نكرت وطعت عدوانـك ،،،، ارحل وانا قبل ترحل بغسـل يدينـي
يا ما زرعت الورود بروض بستانـك ،،،، وان جيت ابقطف ورود الشوك يدميني
خلاص قلبي تعب من زود طغيانـك ،،،، واليوم قررت بنسى ماضـي سنينـي
واشطب عليك وعلى رقمك وعنوانك ،،،، وانت اشطب الرقم واحذف لي عناوينـي
عيش ابحياتك عساها تصفي ازمانـك ،،،، مصير قلبـك مـع الايـام يطرينـي
لامن صفعك الزمان وصاحبك خانـك ،،،، هلت دموعك علـى الخديـن تبكينـي
تذكر حبيبٍ قضـى عمـره على شانـك ،،،، واختار حبك رغـم كـثر المزايين
بدلت حبـك وعنـي صـك بيبانـك ،،،، لا لا لا تحـاول مـع الايـام ترجيـنـي
قلبي نطقها صريحه روح في شانـك ،،،، مالي ومالـك ولـو بالـود تغرينـي
انـا بسميـك جـاحـد ود خـلانـك ,,,, وانته على كيف كيفـك روح سمينـي
ويالله انـا طالبـك يـارب غفرانـك،،،،يامنجيٍ يونس من الحـوت تنجينـي
وتغفر ذنوبي الـه الكـون سبحانـك ،،،،يا واحد ٍ بعـد موتـي حـق تحيينـي