الرئيسية
في كل صفحة غلا ألقاك تكتبني
واصير انا لغز ح ــاير بين ابياتك
إن جيت يمك عطش بالح ـــب تشربني
ليلٍ سهرته يذكرني بنجماتك
ان قلت اببعد سحر عينك يقرّبني
عمري ابتدا بين نبضاتك ونظراتك
تدري شعورك فرح أو ح ــزن يعجبني
بعثرتني بين بسماتك ودمعاتك
فرقاك فيها دموع العين تغلبني
ياليتني غيمةٍ واع ــشق مسافاتك
وامطر على درب قلبك يامذوّبني
واصير غصنٍ حياته دون لمساتك
أهجر .. تغلّى .. بكيفك .. صد شيّبني
أصلا شبابي ع ــرفته بعد لحظاتك
وتصدق اني لمحتك يوم تسلبني
لكن تركتك .. عجبني نوع سرقاتك
ناي الهوى صار وسط الروح يطربني
صوّرت ذاتي سفينه .. في بح ــر ذاتك
لك في ضلوعي يدين الشوق تحطبني
يروق جو المسا مع طيب نسماتك
ماودي اكذب .. خ ــفوقي فيك تعّبني
مدري وش اسمي غرامي في حكاياتك
إن كان هذا عذاب .. ارج ــوك عذبني
وان كان ح ـــبي غلط .. يازين غلطاتك
