إن سأل خلي عن قلة زياراتي
خبروه ان الدنيا دار فنى ماهي قعود
وإن سأل عن أوجاعي وآهاتي
قولوا قلبه ماعاد يـــقوى الصمــود
افتحوا له قـفـــل ماضي مذكراتي
واجعلوا دفتـــري له باسـط ومــفرود
ابيــه يقرا ماسـطرت بحــــياتي
وانتوا يالـملا على كتاباتي شهــود
أذكر ليالينا والسهر والضحكاتي
واذكر صوته ورزفه مع دقـة الـعود
الوحيد اللي لملمني في شتاتي
وخلا لـي معنى بيـن الـــوجـود
خلوه ينساني وانا احبه بسكاتي
خلوه بدنيتي العاصفه وانا الرعود
علموه نسيان مامضى واللي فاتي
وحزنه مع الايام بـيصـــيبه ركــــود
أوصيكم تصحوه فوقت الصلاتي
لفرضه وسنته والدعاء وقت السجود
أرجوكم بعدي لايذرف الدمعاتي
مـقدر اتحمل دمع عيـــونه الســـود
أنا أتأسف على كل غلطاتي
ادري مسامحني ترا ماهو حقود
بلغوه التحيه وهذي وصاتي
عسى يكـــمل دنياه بالســــعود
وإن قرا المكتوب علم بوفاتي
واني رحلت ولايمــكن أعـــود
.. تحــــياتي لكم ..