منتدى دنيا العشاق




عزيزي الزائر / عزيزتي الزائرهـ : يرجى التكرم بتسجيل الدخول اذا كنت عضو معنا
او التسجيل ان لم تكن عضو ، وترغب في الانضمام (( لـدنيا العشاق ))
سنتشرف بتسجيلك.... وشكرا

.. ادارة المنتدى ..

    الليله احساسي غريب

    شاطر

    افهمني تملكني
    ؏ُــضـو ذهـبـي
    ؏ُــضـو ذهـبـي

    تاريخ التسجيل : 05/07/2009
    عدد المساهمات : 10166
    الجنس : ذكر

    smill الليله احساسي غريب

    مُساهمة من طرف افهمني تملكني في الإثنين 28 ديسمبر 2009, 1:23 pm

    الليله احساسي غريب
    عاشق و انا مالي حبيب الليله
    حبيت .. كل الناس لاموني
    حبيت كل احبابي باعوني
    قلت احب الحب احسن
    قلت احب الحب اضمن
    لا احن ولا اتوه ولا بعد في يوم احزن
    رضيت باقداري ونصيبي
    صرت محبوب الحبايب
    وصار كل عاشق حبيبي



    الليله غير
    شعوري غير
    اشواقي غير
    حتى الاغاني غير
    صدري سما و احساسي طير
    بس طيفك ما تركني
    ظل ساكن تحت جفني
    كان وافي
    كان يذكر وانت جافي
    انت وينك ؟
    كان هذا الفرق ما بيني و بينك
    جيتني تشكي الزمن
    و جيتك أبي أدفى
    لقيت في قلبي وطن
    و لقيت بك منفى

















    قالت قدر .. وأقول يومك تبيني
    غصب على الدنيا يدك في يديني
    لا تظلمين الوقت .. وش ذنب الأيام
    لا تظلمين الحظ .. لا تظلميني
    غديت ما بين الرجا فيك والياس
    هذا يبي مني .. وهذا يبيني
    إن قلت شمت وخاطري طاب كذاب
    وإن قلت أبيك أرخصت نفسي بعيني
    خيرني أمري .. بين أصعب خيارين
    موتي أنا أو موت الإحساس فيني
    لكن زماني المر علمني
    اني أموت مااحني لجل قلبي جبيني
    والله ما تلقين حبي مع الناس ! روحي وهالايام بينك وبيني












    ما قلت احبك ولا قد قلت ما حبك
    احب مالي عيوني وانت تسواها
    لو تدري اش كثر تعني لي تعرف انك
    اخر امل في حياتي واول مناها
    ياكثر احس ان بك مني وبي منك
    روح قسمها على شخصين مولاها
    لا تقول وش تحب فيني اعشقك كلك
    من ليل شعرك لكلك واخر اقصاها
    سميتني نصفك الثاني ويا شحك
    انا بسميك كلي وانت معناها
    تعبت اوديك له يا قلب ويردك
    لا اخذ حلومي ولا خلاني انساها
    كل الحمام استراح وناح في ظلك
    والورد الاصفر سقته الروح من ماها
    ليتك بعمري ثلاثة اشخاص ماملّك
    واحد معي دوم وواحد روحي يملاها
    والثالث بجفن عيني لا فقد حسك
    او غمض الجفن جاني فيك يتباهى
    مو بس احبك انا والله من حبك
    احب حتى ثرى الارض اللي تطاها















    ودعتها واخفيت عنها دموعي .. خايف تحس بحسرتي والتياعي

    ودعتها والقلب مني جزوعي .. جزعٍ من الفرقا قليل المساعي

    حيث الفراق لمن تولع يلوع .. لوعات فرقاه ماوراها اجتماعي

    في لحظة التوديع هديت روعي .. بيني وبين النفس قمة صراعي

    اخفيت ما حسيت بين الضلوعي .. خايف عليها لا تحس بضياعي

    قالت فمان الله وانطر رجوعي .. واشرت بالتوديع حال استماعي

    ساكت ولا رديت ماهي طبوعي .. من عبرتي تفرض علي امتناعي

    حان الرحيل وحان وقت الفجوعي .. واقفت وأنا عيني عليها تراعي

    بين الرجا واليأس صبري يموعي .. على الوداع اشلون قلبي استطاعي



    من عقبها اسهر مسندي راس كوعي .. لأنام خالي البال تميت واعي

    تومي بي الحسرات من غير طوعي .. هذا الغلا ماهو غرام صناعي

    اقنب كما ذيبٍ تقـفاه جوعي .. لامن ذكرت فراق حلو الطباعي

    اللي لاجله هان عندي خضوعي .. والله مانسى دمعته في وداعي











    عيون الحب لا يمكن تناظر
    عيوب الخل لو هو عيب كله
    تماري فيه وبوصفه تكابر
    ترى من فوق خلق الله محله
    رفيق الليل في الشباك ناظر
    واثاري الليل شباك لخله
    حفظ أحلى الكلام وصار شاعر
    بصبر ينتظر .. والصبر مله
    حبيبٍ عشت في دنياه عابر
    حسب قوله ويا شعري فقله
    أنا ضحيت له وارجى وصابر
    واذا عيا أقول الله يحله
    على اللي ينتظر يا بعد باكر
    يبي السلوان والذكرى تضله
    عيون الحب في قلبي تناظر
    تشوف اللي عيوني ما تدله










    حبيبتي لا من غديتي لي سـراج اتـبعه .. وكني غديت من الظما اركض ويطردني السراب
    لا تبخلين اليا شربتك ماشربتك من سـعه .. دامي من جروح الهموم الموجعه كلي صواب
    اليوم مرتني السواني والفـصول الاربعـه .. اليوم مريت المـواني والمـباني والسحـاب
    اليوم ماكني لقـيتك مر صوتك ماسمـعه .. اليوم ما كني فقدتك من سـؤالـين وجـواب



    يابنت في خدك وهج سيل الشموس الساطعه .. احـرق بداخل داخلي انسان ماهو للتـراب
    واللي خلق ظلم الليالي بالـعيون الهاجـعه .. اني من الحرمان اتسائل وحرماني جـواب
    يوم الوداع تخيلي مالي حبيب اوادعــه .. محروم انا وتخيلي محروم .. حتى من العـذاب













    إنتي بكف و باقي الخلق في كف
    متعليه في وسط قلبي ولك شان
    في غير وصلك مالقلبي ترى شف
    محتاج لك يا نور عيني وشفقان
    لا جابوا اسمك صرت انا تقل مختف
    مالي على نفسي الى اطروك سلطان
    من غير حبك غضت عيوني الطرف
    ياللي جمالك صار للزين عنوان
    اريد انا قربك ترى ياغذا الحرف
    و ان ماحصل موتي و دنياي سيان












    أمـوت مـن فرقاك .. و أموت بلقاك
    وأموت من جورك .. و أموت بحنانك
    كـلٍ قـضاه يـموت مرّه .. و يفداك
    و أنـا أمـوت ألـفين مرّه .. عشانك
    أذكـرك.. لا مـني نسيت إني نسيتك
    أنـساك .. لامـني ذكـرت نـسيانك
    رضـيت أنـا بالهم لرضاك مرضاك
    و ارخصت لك قلبٍ جرحته .. وصانك
    أجـيك في صدري عتاب .. و أبجفاك
    و أرجـع ألـوم الوقت و أقول خانك
    أحـب فـيك .. احساسي إني بلا ايَاك
    فـي عـز خـوفي منك أحس بأمانك



    عـجزت أفـرق بين وصلك و فرقاك
    يـاللي عـطيت الـناس بيدك عنانك
    مـر تـجيني لـين أقـول إنـي إياك
    و مـر تـروح بـعيد و انسى أوانك
    أقـبل و تقفي .. و اعتذر عن خطاياك
    و أقـول مـا عـييت .. عـيا زمانك
    و إن خـانتك دنياك .. أو خنت دنياك
    إرجـع و تـلقابي .. مـكانك .. مكانك













    كلّمني عنّك
    أبعرف كل شيٍ عنّك منّك
    قلّي وش أول جروحك
    قلّي وش آخر أمل ترجيه روحك
    إحكي عن طبعك
    وعن ربعك
    عن اللي يهزّ دمعك
    قلّي وش معنى الحياة
    قلّي بأنفاسك متى قد قلت آه
    إحكّ لي عن الحب
    إحكّ لي .. إحكّ لي
    إحكّ لي عن الشوق
    طر بي فوق .. فوق
    خذني منّك



    وإحكّ لي .. عنّك
    الصدق
    إن الأمل من قبل أعرفك .. كذب
    والتضحيه أوهام
    وإني أنا من قبل أعرفك
    كنت أعرف أنام
    كان السهر مو هالسهر
    لعب وأغاني .. وإختصار
    صار السهر تفكير
    صار إنتظار
    صار إحتظار
    صار السهر .. تنهيدتين ونار
    يا منتهى أمري
    بالهمس قلّي مرّه يا عمري
    وطر بي فوق .. فوق
    خذني منّك
    وإحكّ لي .. عنّك













    جتني وشافتها عيون حايرات
    ذا شعاع الشمس او هذا سناها
    ضاعوا اللي جوا معاها مسيرات
    واقبلت تمشي تقل محدٍ معاها
    يا سنا الفضه ويا جيد المهات
    يا شذى نبت الخزامى في وطاها
    قلت كن بوجنتك زهر النبات
    قالت ان الرمش يجرح لي صفاها
    تجرح الظلما عيون ناعسات
    سلهمت وأغضت تغطرس في بهاها
    حققوا بالشوف في لون الشفاة
    هو خذا منها الشفق والا عطاها
    ولو ظلام الليل يعطينا ثبات
    فيه من لون الشعر والا كساها
    كيف أباصف زين كاملة الصفات
    كيف أباصل في حروفي منتهاها









    أنا مقدر أكون اني حبيب في بعض أحوال
    أنا كلي أجي والا أروح بعزتي كلي
    تخيرت الفراق وما دريت إن الفراق وصال
    أقول اني نسيتك بس مدري كيف تاصل لي
    خذاني لك سؤال في عيونك و الجواب محال
    خذاني منك دمع في عيوني مارضى ذلي
    رحلت انت وتركت بداخلي طيفك و صبر طال
    غدت ذكراك شمس ما تغيب و صورتك ظلي
    حكيت و مالقيت من الحكي الا الندم موّال
    سكت ومت بالحسره ولا ادري وشهو احسن لي
    أحبك كل ما فيني يحبك يا خلي البال
    تخيلتك دواي و صرت جرحي الصعب يا خلّي
    تعبت أرحل مع وجيه البشر بانساك بالترحال
    و لا ادري وش يجيبك في وجيه الناس واهلّي

    سبحان الله
    آلآ بذكر آلله تطمئن آلقلوووب . .
    آلآ بذكر آلله تطمئن آلقلوووب . .

    تاريخ التسجيل : 06/06/2009
    عدد المساهمات : 7467
    الجنس : انثى

    smill رد: الليله احساسي غريب

    مُساهمة من طرف سبحان الله في الإثنين 28 ديسمبر 2009, 5:56 pm










    قالت قدر .. وأقول يومك تبيني
    غصب على الدنيا يدك في يديني
    لا تظلمين الوقت .. وش ذنب الأيام
    لا تظلمين الحظ .. لا تظلميني
    غديت ما بين الرجا فيك والياس
    هذا يبي مني .. وهذا يبيني
    إن قلت شمت وخاطري طاب كذاب
    وإن قلت أبيك أرخصت نفسي بعيني
    خيرني أمري .. بين أصعب خيارين
    موتي أنا أو موت الإحساس فيني
    لكن زماني المر علمني
    اني أموت مااحني لجل قلبي جبيني
    والله ما تلقين حبي مع الناس ! روحي وهالايام بينك وبيني



    رااااااائع ماسطرته هنا من ابدااااااااااااع

    كلمات مليئه بالحزن

    والعاطفه الجياشه



    دمت بود









    لآ إله إلآ آلله محمد رسوول الله . . , <3

    افهمني تملكني
    ؏ُــضـو ذهـبـي
    ؏ُــضـو ذهـبـي

    تاريخ التسجيل : 05/07/2009
    عدد المساهمات : 10166
    الجنس : ذكر

    smill رد: الليله احساسي غريب

    مُساهمة من طرف افهمني تملكني في الإثنين 28 ديسمبر 2009, 9:08 pm

    حبي الوحيد
    الف شكر لمرورك
    الف شكر لتعليقك الرائع
    تقبلي فائق احترامي

      الوقت/التاريخ الآن هو السبت 03 ديسمبر 2016, 6:21 am