ياشينها لا طاح من عيني انسان

ياشينها لا طاح من عيني انسان‎

ياشينها لا طاح من عيني انسان !!
لو حطني فوق النجوم احتقرته ...

ياشينها لا صرت تغلي لك انسان ... !!
ان جاك غالي وان تغيب ذكرته ...

اغليه واطرد عنه مليون شيطان ... !!
ولو زل في حقي دمحت وعذرته ...

ولا خان مبداه ونسى كل الاحسان ... !!
والله ليبطي بالرجاء ما انتظرته ...

وحتى البحر لو فيه لؤلؤ .. ومرجان ... !!
دامه لمثله ماسبحت وعبرته ...

بعض الذنوب اعدها غلطة اخوان ... !!
ذنبٍ يضايقني .... وذنبٍ غفرته ...

وبعض العرب في فزعته مثل الامزان ... !!
لو تطلبه عينه ...حشا ماعسرته ...

والناس عندي مثل سالم وسلمان ... !!
شخص ٍ اضحي به وشخص ٍ ذخرته ...

تصدق اني من كثر مابي احزان ... !!
حتى عدوي لو شتمني شكرته ...

ياشينها لا صرت ماتلمح الوان ... !!
الا الظلام ليا رقيت ...وحدرته ...

وياشينها لا طاح من عيني انسان !!
لو حطني فوق النجوم احتقرته ...

ركام الامنيات
مرورك بمشاركتي
تميز وابداع
بحد ذاته
انتي من شجعني على ذلك
تقبلي تحياتي واحترامي