منتدى دنيا العشاق




عزيزي الزائر / عزيزتي الزائرهـ : يرجى التكرم بتسجيل الدخول اذا كنت عضو معنا
او التسجيل ان لم تكن عضو ، وترغب في الانضمام (( لـدنيا العشاق ))
سنتشرف بتسجيلك.... وشكرا

.. ادارة المنتدى ..

    هذا ماهو شيب لِآ تبكين يمـه لِا يهولك منظره في راسي وتبكين .. عـادي ! < آليييمه

    شاطر

    افهمني تملكني
    ؏ُــضـو ذهـبـي
    ؏ُــضـو ذهـبـي

    تاريخ التسجيل : 05/07/2009
    عدد المساهمات : 10166
    الجنس : ذكر

    هذا ماهو شيب لِآ تبكين يمـه لِا يهولك منظره في راسي وتبكين .. عـادي ! < آليييمه

    مُساهمة من طرف افهمني تملكني في الإثنين 15 فبراير 2010, 8:08 pm








    هذا ماهو شيب .. لا تبكين .. ماهو شيب يمـه
    لا يهوّلك منظره في راسي وتبكين .. عـادي !


    لا يغـرّك لونـهالأيبـض .. ولا يفجعـك كمـه
    صدقيني ماهو من الشيب هـذا اللون بادي


    تذكريـن .. اصابعـك لمـا تبعثـّره وتلـمـه ؟
    يوم كنت اوسده رجلك .. واروّض لك عنادي ؟


    كل ما مشيتي اصبـع بيـن شعراتـي تشمـه ..
    لين صارن بيض من كبر الغلا وطهر الايـادي !


    شرّعي لي حضنـك الممطور بالمسك ابخمـه
    خمة ٍ تبرا بها روحي مـن جروحـي .. وانـادي


    ما ابي مْن الناس : غير اذكـارك وريحتـك لمـه
    ولا ابي مْن النور : غير سراجك العن به حدادي


    وما ابي مْن العز : غير اللي تحـت رجليك قمـه
    ولا ابي مْن الأرض : غير جلالك اعلن به بـلادي


    ودي ارجع ( طفلك المغمور ) واللي كان همـه ..
    يصعد/ اطول نخله.. ويشرب/ من حثال العوادي


    يغسل نعاسه ( باذان الفجر ، واصـوات الأئمـه )
    ويونْس الشيبان لا رتّل لهم : ( قـل يـا عبـادي )


    ويسرق اول ( خبزه لصاجك ) ويخفيهـا بفمـه !
    قبل ما يصحى حدا اخوانـه .. ويحتـد التمـادي !


    طفلك : اللي ذنبه انـه مـا غسـل بالدمـع كمـه
    لين صار الكم الابيض من بطا دموعـه رمـادي !


    ما يخاف الا : بكاك ، ودعوتك : ( حمىً تحمّه ) ..
    لا ركض جنب القليب وسمـع نبضاتـك تنـادي !


    ولا كشخ ( بشماغ ابوه ) وشفتي الانظـار يمـه :
    تغصبينه / يشرب ( القروه ) بخـوف ٍ لا إرادي !


    ودي امسح دمعة ( استاذي الفلسطيني ) واضمه
    لا بكى في ( حصة التاريخ ) مـن ظلـم الاعـادي


    واعتذر له عـن سخافـة جيلـي وخـذلان الامـه
    واتعلـم منـه كيـف اروي يقيـنـي باعتـقـادي


    واسألـه ليـه المجاهـد عندنـا مهـدور دمـه ؟؟
    ومن ربط حدوتة الإرهـاب بالفكـر الجهـادي ؟؟


    وليه نسمع بألف دعوة صلح مـع راهـب وعِمـه
    والف خنجر يشهر بوجـه المطـوّع فـي بـلادي


    ودي ارجع طفل : بعض عيوبه اجمل مـن شيمه
    يوم كان اصغر رفاقه عمـر .. واكبرهـم مبـادي


    ودي افتـش بتاريخـي عـن احلامـي المهـمـه
    قبل ما تهزم جيوش اليـأس صبـري واجتهـادي


    ودي اوشي بحزنـي الحاضـر لماضيّـي وانمّـه
    يمكن انقذ جمـرة سنينـي مـن المـوت برمـادي


    بس وشلون اقدر ارجع ؟ ليه ماقلتي لي يمـه ؟
    ليه ماقلتي لي انالشيـب مشتاق لسوادي ؟!


    ليه فهمتينـي ان الخـوف مـن بكـره مذمـه ؟؟
    ليه خليتيني اكبـر واحمـل ذنـوب اعتـدادي ؟؟


    وين اعيّن خير يمه ؟؟ والأمل مـن غيـر يَمـه !!
    الحطب - يا ميّـه - قليّـل وبـرد الليـل سـادي


    كل ما غرسـت غصنـي سافـي الحرمـان دمـه
    واشعر اني وردة ٍ مزروعـة ٍ فـي بطـن وادي !


    وانا والله ، ما رضيـت بهالعنـا مـن قـل همـه
    ولا كبا غير الدروب اما انت وافـي يـا جـوادي


    احمـد الله جاعـوا عيالـي وانـا شبعـان ذمــه
    ما زرعت الا الوفا والناس تاكـل مـن حصـادي


    مـا عرفـت الاي خـال لخالـه وعـم ٍ لعمـه !!
    يوم ما ياسع همـوم القـوم غيـرك يـا شـدادي


    وانتي يُمه .. لـو بكيتـي شيبـي وهوّلـك كمـه
    قلت يُمه : ماهو مـن الشيب هـذا اللـون بـادي


    تخبرين ( الثلج ) لا منه تكدّس ( فـوق قمـه ) ؟؟
    هذا ثلج.. وراسـي القمـه .. ولا تبكيـن عـادي ..!


    ركام الأمنيات
    مشرفه عامه
    مشرفه عامه

    تاريخ التسجيل : 28/08/2009
    عدد المساهمات : 6220
    الجنس : انثى

    رد: هذا ماهو شيب لِآ تبكين يمـه لِا يهولك منظره في راسي وتبكين .. عـادي ! < آليييمه

    مُساهمة من طرف ركام الأمنيات في الإثنين 15 فبراير 2010, 9:19 pm

    سلمت انا ملك .. على ها الكلماااات الجميلة .. والراااائعه .. ويعطيك العافيه على ها .. الأحساس الراااقي والشاعريه .. المميزة ..
    دمت .. بخير .. ودااام .. ابداااعك












    افهمني تملكني
    ؏ُــضـو ذهـبـي
    ؏ُــضـو ذهـبـي

    تاريخ التسجيل : 05/07/2009
    عدد المساهمات : 10166
    الجنس : ذكر

    رد: هذا ماهو شيب لِآ تبكين يمـه لِا يهولك منظره في راسي وتبكين .. عـادي ! < آليييمه

    مُساهمة من طرف افهمني تملكني في الإثنين 15 فبراير 2010, 9:33 pm

    ركام الامنيات
    مرور رائع بكلمات من ذهب
    الف شكر اختي اقف عاجز عن الشكر
    لك استاذتي
    تقبلي تقديري

      الوقت/التاريخ الآن هو السبت 10 ديسمبر 2016, 1:25 am