[size=16]على كثر الغلا عندي أحاسيسٍ تهد الحيل
أصدقها وأقول النفس دايم ليه لوامه
أخاطب وحدتي وأقرأ عتابي في نجوم الليل
وأفسر كيف يمكن للعتاب يثور بأحلامه
أسولف للجفا.. وأقطع عليه الشك والتعذيل
وأبرر طيبة اشعوري بحسن الشوق وهيامه
تجين أحيان في نبضي قصيد ما يبي تأويل
وأقول أحيان واجد غيرك اللي يملك إلهامه
أدور كل ما يشفع لقلب خانه التدليل
وأخاف إن البحر مده يجي بأمواج هدامه
أحاول أجمع أشتاتي وفرّق هاجس التحليل
ولا ادري كيف يغرقني ويوثق فيني إحزامه
خطأ عمري أسوق العذر للي يتقن التعليل
أحسب إني كذا أقدر علاج الجرح وآلامه
دريت إن الهواء عاصف ويومي بالثمر ويميل
دفن درب المطر وأشعل بريقه نار بخيامه
قضى عمر الربيع ولا شربنا من حقوق السيل
عطشنا بالخريف اللي يبعثر وجهة أيامه
أبي صبح يشق الليل يشفي غامض التظليل
يبدد صفحة الماضي ويمسح زلة أقلامه
تعبنا وانتهينا من فنون اللعب والتمثيل
هبيل اللي يبي يشقى عشان يكثر اخصامه
[/size]