الرئيسية
لاتسألوني ليه نور القمر غاب !
بِلا مُقدِمات .. أدعكم مع القصيده .. ولـ رُبما تكون بعثره مفهومه
...
لا تسئلوني ليه نور القمر غاب ..؟!
...... أخاف تدمع من جوابي السحايب ..!!
(( الوقت ما حشَّم طويلين الأشناب ))
...... والقلب من كثر الغرابيل طايب ..!!
والضيقه اللي من سببها برز ناب ..!!
...... لو تندمح ماني عن الضيق تايب ..!!
البارحه جفن السهر داخلي شاب ..!!
...... واليوم ضاقت بي وساع الرحايب ..!!
راح العمر ما بين أشواق وغياب ..!!
...... يا عونة الله من فراق الحبايب ..!!
كم ليلة ٍ دمع الغلا داخلي انساب ..!!
...... ما غير أكفكف دمعتي بالطلايب ..!!
يا الله ترحمني ليا خاطري طاب ..!!
...... وتعقل جنوني في زحام المصايب ..!!
الشوق يدفعني على لوم وعتاب ..!!
...... والصدر من ضيقه نسيمه لهايب ..!!
تبغى تشوف الحزن وشلون يرتاب ..؟!
...... شف دمعة الفرقا من عيون شايب ..!!
