تلبس الزوجة قميص ناعم وتأتي زوجها متعطرة
_ قم ياحياتي يدير وجهه للجهه الأخرى تداعبه بوردة بيدها يمسك الوردة بقوة :=إيش هذا [يفتكرها ذبابة]
يلتفت للزوجة ويقول:=هذي طريقة تصحيني فيها من النوم ؟
تبتسم وتقول له :_آسفة حبيبي ...... اجيب لك الفطور ؟
تأتي بالفطور،صحنان صغيران جداً مربى وزبدة،قطعتين توست محمص ،عصير طازج وكوب حليب دافي
_ تفضل حياتي=هذا فطور ولاكلام فاضي وين الفول؟ماتعرفين تسوين بيض؟
بعدها يطالع فيها وهي في غاية الترتيب والأناقة بمكياج خفيف وشعر مرفوع مع خصل تتساقط على جبينها وخدها
ورائحة عطر ناعم
=إيش هذا إنت رايحة حفلة؟
_لاياحياتي!!
= وليش حاطة هاالعطر الغالي خليه للطلعة مافي داعي للخساير.
فـــــــــي وقــت الضــــحى:
حبيبي...إيش تحب تأكل على الغدا ؟ ولاتحب نطلع نتغدا
برى؟
=إيـــــــــــش..نتغدا برى...ليش إنشاءالله...أنا ماخلاني أتزوج ألا أكل المطاعم الله يعز النعمة
لا..لا..قومي سوي لنا غدا زي الناس.
حضرت الغدا...شوربة ، سلطة، كريم كرميل ،مكرونة والخلطة بره ،دجاج وبطاطس، وكأسين عصير ليمون.
_تفضل حياتي الغدا جاهز
=إيش هذا إيش هذا كله هو إحنا عازمين الجيران ولا ايش، طيب وين الرز [الكبــــــــــسة]
_معليش حبيبي في المرة الجايه اسويلك كل اللي تبغى.
وعلى سفرة الغدا بدأت الزوجة بتطبيق دروس الإتيكيت،بدأت تغرف له بالصحن وتقرب له الأكل ،طالع فيهاوقال
=ليه ! شايفتني ناقص إيدين ولاناقص عينين، كلي كلي وخليكي في حالك.
بعد الغدا سوت كوبين شاهي وجابته
=لالا ماابغى ...بروح أريح..عشان نطلع مو لك كم يوم تزنين علي ودك تطلعين
_إلا حبيبي.
=إيوه عشان ماتقولين إني مااعطيك وجه...ودخل ينام.
الزوجة تكلم نفسها : نطلع! ياترى وين ؟اكيد بوديني احد المجمعات الكبيرة اشتري اللي أبغه
وبعدها أجلس معه في مكان هادئ نتكلم ونشرب باردأودافي او يمكن بوديني البحر،نسمع موسيقى
واحنا نطالع البحر في جو شاعري .
فــــــــــي الســـــــــــيارة:
طبعاً أول ربع ساعة ماشين بدون مكيف والمسكينة مستحية تطلبه يفتح المكيف والأخ ؛إما عاجبه الجو
أو أعصاب الإحساس عنده منتهيه صلاحيتها
أخذ يتكلم في الجوال ولما قفله قال لها:
=انا بشوف صاحبي في هاالمؤسسة،دقايق وجاي، اخذنصف ساعة ورجع
ووراءه صديقه. كل واحد فيهم ركب سيارته، وسار يمشي وراء سيارة صاحبه ووصلوا سوق الغـــــــــنم
نزل وبعد ربع ساعة جاءها.
ملت الزوجة قالت أكلمه بأي موضوع عشان نتسلى قالت حبيبي:_تسمع موسيقى؟
رن جرس جواله وأخذ يتكلم عشر دقايق .وأول ماأنتهى من المكالمة قالت أكلمه قبل مايجيه إتصال غيره
_حبيبي وين بروح؟
=مكان حلو راح يعجبك بالمرة تمشيه وتسوق . شوي إلاهي في ( ســــــــــوق ا لـــــــــــــحراج)
=انزلي اتفرجي
نزلت وهي تقول لنفسها: لابحر لاشعر لاموسيقى ولاشراء من مجمع مكيف ولا جلسة رومنسية يالها
من احلام تبددت كالغيوم في السماء.
قبل وصولهما للمنزل قالت لنفسها: <اكيد تكلم نفسها لأنه مشغول بمكالمات الجوال او شتم المرة اللي يغلط عليهم
ويفتكر هم غلطانين>
_معليش ولا تزعلين يا بنت عادي الحين سأعوض هذي الخرجة وبدأت ترسم و تخطط كيف تكون بقيه الليلة
قالت:سأطفئ الأنواروأشعل الشموع وأضع موسيقى هادئه وأعطر المنزل برائحة جميلة وأحضر العصير
ثم سأقدم له مايحب للعشاء ونمضي الليلة في أجمل صورة وكأنها الخــــــيال.
عندما وصلا المنزل قال لها :=أنا معزوم عند ربعي
المسكينة كل أشكال التحطيم وإنكسار الخاطر على وجهها قالت:
_يعني منت متعشي معااايه؟
=لاتقولين فاجأتك؟! أجل ليش حسبتيني اشتريت الخروف .
ونزلت من السيارة وهي تقول بصوت غير مسموع :
ـــ لامكان للرومنسية الحالمة مع هذا الرجال ابداً.
بعد مرور فترة من الزمن
فــــــــي الصـــــــــــباح:
الزوجة توقظ زوجها تفتح الستائر بشدة قائلة:
_قوم بسرعة صرنا الظهر وانت نايم
بعد قليل:
_شوف الورقة مكتوب فيها أغراض البيت الناقصة
فــــــي الظـــــــهر على الغدا ...صحن رز فوقه لحم وكأس مويه على السفرة
وقالت وهي ماشية:_أنا رايحة اتغدا عند أهلي
فــــــــــــي الـــــــــــــمغرب
جات ومعها أخوانها الصغار [منتهى الإزعاج]
فـــــــــــي الــــــــــــــليل
_أنا تعبانة مااقدر أسوي لك عشاء خذ لك اي حاجه من الثلاجة أكلها ونام ،وهي سهرت على برامج التلفزيون ونامت بــــــــــعد فـــــــــــترة
حن الزوج للهدوء والرومنسية ،أخذ يكلم زوجته =كنت في منتهى اللطف والنعومة وأنا أشتقت لتلك الأيام الحلوةالهادئة الهانئة
قالت:_مـا كـنا كـده مـن الأول ومـش عـاجـبينـك