تربع في وسط قلبي انا افـدى والله هالتربيـع
ولك ماعاش من ربع بدالك في وسـط قلبـي
احبك حب من كبره تعيـش بعالمـه وتضيـع
وانا من هول حبـي لـك اقـول الله ياحبـي
جميع اللي ابى يجمع لعينـك يبتـدي تجميـع
واذا ذنبي غدى حبك احبك واعتـرف ذنبـي
معاك الدنيا تحلالـي ولعينـك مستعـد ابيـع
جميع الناس من حولي مقابل تقعـد بجمبـي
اذا تسمح بذيع النص وابشر ان سمحت اذيـع
ابضوي من غرامك نور يشع شموع في دربي
محال اني احب انسان غيرك والخفوق يطيـع
محال اني ارد الجرح وانت بلمستـك طبـي
لقيت السعد في قربك وحزني لـوح التوديـع
صراحه قلتها تدري عليك بجـد مـا اخبـي
كذا من طبعي احبك وعلى ماقالوا ابو طبيـع
ابد مايحيد عن طبعه وحبك حيل يلعـب بـي
سياسات الدول ترفض تمارس مبـدأ التطبيـع
وانا من مبدئي امشي لحبك ولو تبـي احبـي
لعينك مملكة حبك في قلبي تبتـدي التوسيـع
بدون حدود لو تدري مجالك واسـع وربـي
سياسة قلبي الصادق يرفض مبـدأ الترجيـع
يعني اللي دخل قلبي ابـد مايـروح ياقلبـي
تعال اتلحف رموشي وجـوك يامنـاي بديـع
وانا جنة هناي اليوم اشوفـك دايـم بقربـي
ترى جوي بدونك انت لك الله ياحياتي مريـع
مادام القلب صندوقك دخيلـك بالغـلا عبـي
نهاية ماسبق ذكره انـا افـدى والله هالتربيـع
ولك ماكو بشر غيرك يليق اليوم فـي حبـي