[size=25]أقولك شي بس أرجوك لاتزعل.
اللي حصل غصب عني ماتمنيته.
من يوم ماغبت تاركني ولاتسأل.
وناداك قلب يبي شوفك ولاجيته..
يرحل مع الشوق وانت بغيبتك ترحل.
شف كيف يتعب علشانك وخليته.
حبيت غيرك الصراحه يوم لي أقبل.
إنسان من طيبته شفته وحبيته.
وأقول ياقلبي إثقل قال كيف أثقل.
جاني يسوق الخطى وبرغبتي جيته.
أطهرمن الماء وأرق من الزهر وأجمل.
أطعمني الشهدبالحب وتحاليته.
أسهل من الصعب وأصعب لي من الأسهل.
خلاني أعرف غلاته كيف وأغليته.
علمني شلون أحب الحب بالأول.
وحسسني بشئ مافي يوم حسيته.
حرك شذى الوردقبل الوردما يذبل.
ورتب شعوري وأخذني منك وأعطيته.
حاول يداري دموعي قبل ماتنزل.
ومن لوعة الحب بكاني وبكيته..
وعاهدني إنه بصدق الحب مايبخل.
وعاهدته إني أموت وماتناسيته..
هذا>خيالك<معي من وين ماترحل.
كم ليلة بالهوى شفته وناجيته.
صحيح بعض الغلاياصاحبي يقتل.
لكن غرامك قتلني فيك وأحييته.
أسهرله الليل وشموع الغلا تشعل.
من لهفتي زارني طيفك وضميته
[/size]