لاجيت في بالك تذكرني بالخير

الوقت وقتي و الزمن مـا صفالـي ..

و العمر رحله .. وأتعبته المشاويـر ..


كلي حلالك و انـت كلـكـ حلالـي ..

لكن وربي .. حظنـا ماهـو بـ خيـر ..


حاولت.. لكن مـا جرالـكـ جرالـي..

مات السنع في .. وجه قـل التدابيـر ..

فـ لا تزعل اليا قلت مالـكـ ومالـي ..

دام الأماني ..غير و أحلامنـا غيـر ..


و دام الحزن بـ الحب فالـكـ وفالـي..

خلنا نتفارق والبقـى { للمقاديـر } ..


أدري فراقكـ صعب ويهـد حالـي..

و أدري فراقي صار من قبل لايصير ..


ما كنت أبي فرقاكـ بـس الليالـي..

تسيّر أحلامي .. على عكس ما أسير..


تدري خفوقكـ بـ الفراق وش هدانـي ..

أهدى يديني ..{وردتين{ن} مـع طيـر }..


ورحت بـ فراقـكـ والهدايـا قبالـي..

ومات بـ يديني .. {وردتين و عصافير } ..


يمكن يخون الود لا مـن طرالـي..

لكن وربي .. ما أخونكـ مـع الغيـر ..


أبطلبـكـ حاجـه وأمانـه اذا لـي..

معزهـ / وخاطـر / وحشمـه / وتقديـر ..


تكفى بـ غلاة أمكـ اذا كنـت غالـي

لاجيت في بالكـ { تذكّرني بخيـر } ...!!!

قصيده رائعه
وطرح مميز
يعطيك الف عافيه ياعمري

يعافيك خيو