يهز غصن الرجـا نسنـاس
وأجمع لك الدمع من خـدّه
مرات أحس بالتعب و اعماس
يعـاود البـال مـن مـدّه
لا باس يا خاطري لا بـاس
السيف مـا يجرحـه حـدّه
والقلب لولا عليـه أقـواس
لا فـز بعروقـه اتـصـدّه
يمديـه لا هـزه الهوجـاس
يشقـق الصـدر ويـقـدّه
لي صاحب ٍ ناعم ٍ حسـاس
أغلـيـه بالحـيـل واودّه
في عيونه ..عيونـه النّعـاس
يبني لـي الشـوق ويهـدّه
والظبي .. والليل .. والقرنّاس
ما أقـدر احصيـه وأعـدّه
يقول لي في حشاه إحسـاس
مانيـب كبـره ولا قــدّه
ويقول أحبك وأحس بيـاس
والأمر ماهـوب فـي يـدّه
قلت آه .. يالمطرق الميّـاس
من طاري البعـد والصـدّه
ياليت يجمع قلـوب النـاس
أشباه والضـد مـع ضـدّه
وأحبك بها بـدون اقيـاس
لين العمـر ينتهـي حـدّه
يازين مافي البعـاد أونـاس
إن كان لـك كـفٍ تمـدّه
عطني لعيني بعـدك انعـاس
لا تاخـذ النـوم وتـلـدّه
وأنا أوعدك وأوعد القرطاس
بالحب فـي الليـن والشـدّه