كان لك قلبـي مديـنـه ولاحـظ إنـي قلـت :
((كـــان))
يعنـي إنـتَ الحيـن واحـد
((خـارج حــدود المـدينـه ))
لـيه مستغـرب كـلامي وليــه أعطـيـكـ الأمــان
وليه تَكـذِب في كلامـكـ العـذر وينـكـ ووينـه
ما ألـومكـ كان قلبـكـ ثـارت أمواجـه وخـان
الخطــا منَّي لأني صرت فـي بحـركـ سفينـه
والسؤال اللَّي كتمته وما نِطَـق فيـه اللسـان
كيف إيدكـ إطعنتني وآنا أحْسِبْهَـا أمينـه ..؟
جرحي ما يرضيه قلبكـ لو يجـي كـلِّـه حنـان
لو تبــوس الجرح فيني ولـو تقبلهـا إيدينـه
يُوم أحبكـ قلت كلمه :
(
يكرَم المرء أو يُهان )
وإنتَ قلبي ما كرمته وما قدرت إنِّـكـ تهينـه
عزِّتـي )..
ما هي جديده آنا شامخ من زمان
إغسل إيدكـ من رجوعي وروح يا إبن اللذينه
طاب خاطر قلبي منِّكـ وهذي الفرقـى رهـان
وحتَّى لو قلبي يحبـكـ ربِّـي بفراقـكـ يعينـه
تدري لما قلت أحبكـ قلت وما عنـدي ضمـان
وإختياري كان خاطىء تجربه بالحيـل شينـه
كنت تخطي وكنت أسامح مرَّه مرتين وثمـان
أدمح الزله عشانك وأكتـم أنفـاس الغبينـه
كنت أحبكـ وكنت أعزكـ والغلا فينـي جبـان
اخاف تزعل لو ألومكـ ضعت ما بينـكـ وبينـه
في عيون الناس عادي بس في عيني جنـان
وكان قلبي من يشوفكـ تفضحه نظـرة حنينـه
ماني أوَّل من يحب ومنتَ آخر شخص خـان
المحبه في زمانكـ بحـــرها من غيـر مينـه
الفشل .. كان النتيجه وأعتقـد آن الأوان
.أبني مستقبل حياتي وأنسى قصتنـا الحزينـه
وخطوتي الأولى غيابكـ وراح أطبقها عشـان
يبكي قلبكـ لا فقدني والندم .. يملـي سنينـه
جاي تسأل عن مكانكـ !! هو بقى فيني مكان ؟؟
الله يرحمها المشاعر اللي كانت لـكـ رهينـه
قلت لكـ قلبي ( مدينـه ) فيها لكـ حشمه وشان
لكن إنتَ الحين أغرب شخص في هذي المدينه ...